ခရစ်စမတ်နေ့(Christmas Day)

 ခရစ်စမတ်နေ့(Christmas Day)
○●○●○●○●○●○●○●○●○●○●○●○
Unicode & Zawgyi Reshare-#9Dan
Christmas ဟူသောစကားလုံးသည် Christes Moesse ဟူသော စကားလုံးမှ ဆင်းသက်လာပြီး အေဒီ ၁၀၀၀ နောက်ပိုင်းတွင် စတင်အသုံးပြုခြင်းဖြစ်သည်။ အဓိပ္ပာယ်မှာ “ခရစ်တော်၏လူစု” ဖြစ်၏။ခရစ်စမတ်ဟူသည် “ခရစ်တော်၏မွေးဖွားခြင်း” ဟု အဓိပ္ပာယ်ရ သည်။ အေဒီ ၄၀၀ မတိုင်မီကတော့ ခရစ်စမတ်နေ့ကို အတိအကျ သတ်မှတ်ခြင်းမရှိခဲ့ပေ။ ဇန်နဝါရီ ၆ ရက်၊ မတ် ၂၅ ရက်၊ ဒီဇင်ဘာ ၂၅ ရက် စသဖြင့် အသီးသီးကျင်းပခဲ့သည်။

အေဒီ ၁၈၀ ၌ ဟစ်ပိုလီတပ် က ဒီဇင်ဘာ ၂၅၊ ဗုဒ္ဓဟူးနေ့ဟု ဖော်ပြခဲ့ပြီး ကွန်စတင်တိုင်း ဧကရာဇ်ဘုရင်ကြီးစိုးသောကာလ အေဒီ ၃၂၀ တွင် ရောမမြို့ရှိအသင်းတော်များ၌ ဒီဇင်ဘာ ၂၅ ကို သတ်မှတ်ခဲ့သည်။ အေဒီ ၃၅၄ တွင် ဖီလိုကယ်လပ်၏ ပြက္ခဒိန်၌ ဒီဇင်ဘာ ၂၅၊ သောကြာနေ့ဟု ဖော်ပြခဲ့သည်။ ဆီးရီးယားနှင့် အာမေးနီးယား နိုင်ငံတို့မှလွဲ၍ နိုင်ငံအသီးသီးတွင် ဒီဇင်ဘာ ၂၅ ဟု သတ်မှတ်ခဲ့ကြပြီး ယခုအခါ အနောက်နိုင်ငံတချို့တွင် ဇန်နဝါရီ ၆ ရက်နေ့ကို ခရစ်စမတ်နေ့အဖြစ် ယနေ့တိုင် ကျင်းပဆဲဟု သိရသည်။ ခရစ်ယာန်ဘာသာဝင်များက ခရစ်စမတ်ကို Christmas ဟုရေးခြင်းကိုသာ လက်ခံကြပြီး X’mas ဟု အလွယ် ရေးခြင်းကို နှစ်သက်လက်ခံခြင်းမရှိပါ။


ခရစ်စမတ်သစ်ပင်(Christmas Tree)
အချို့က ရှေးရောမအင်ပါယာရှိ Saturanalia လူမျိုးများ၏ ရိုးရာနတ်ပွဲမှာ အသုံးပြုခဲ့သည့် အမြဲစိမ်း သစ်ပင်မှ စတင်သည် ဟုဆိုပြီး အချို့က မြောက်ပိုင်းဥရောပရှိ သစ်ပင်ကိုးကွယ်သည့် Druid လူမျိုးများက အစပြုခဲ့သည်ဟု ဆိုသည်။ ပထမဆုံး ခရစ်စမတ်သစ်ပင်ကို ၁၆၀၄ ခုနှစ်တွင် ဂျာမန်လူမျိုးများ က စတင် အသုံး ပြုခဲ့ကြောင်း သိရှိရပြီး ပြဇာတ်ပြရန် ပြင်ဆင်သည့်အခါ အသုံးပြုလေ့ရှိသည်ကိုတွေ့ရသည်။ ပရဒိသုဘုံ သစ်ပင်ဟုခေါ်ဆိုကာ ယင်းသည် ဧဒင်ဥယျာဉ်ကို ပြသခြင်းဖြစ်သည်ဟုဆိုသည်။ ပြဇာတ်ကပြပြီး သည့်အခါ အိမ်တွင်အလှပြင်ဆင်ရာ၌ အသုံးပြုလေ့ရှိသည်။
ယခုခေတ်သစ်ကမ္ဘာတွင် ခရစ်စမတ်သစ်ပင်များကို ခရစ်ယာန်ဘာသာဝင်များသာမက ခရစ်ယာန် ဘာသာဝင်မဟုတ်သူများ ကပင် ဒီဇင်ဘာရောက်သည်နှင့် ငွေကုန်ကြေးကျခံကာ လှပခမ်းနားစွာ ဆင်ယင်လာကြသည်။ စူပါမားကက်ကြီးများတွင် စားပွဲတင် ခရစ်စမတ်သစ်ပင်ကစ၍ လူတစ်ရပ်စာမက ကြီးထွားမြင့်မားလှသည့် ခရစ်စမတ်သစ်ပင်ကြီးများ အပြိုင်အဆိုင် ခင်းကျင်းရောင်းချကြ သည်။ စားသောက်ဆိုင်ကြီးများတွင်လည်း ခရစ်စမတ်ကာလ၏အငွေ့အသက်ကို ဖော်ပြသောအားဖြင့် ဆိုင်တွင်းဆိုင်ပြင် ခရစ်စမတ် သစ်ပင်များ လှပစွာဆင်ယင်လျက် စားသုံးသူများကို ဆွဲဆောင်ကြသည်။ မည်သို့ဖြစ်စေ ခရစ်စမတ်သစ်ပင်သည် တြိဂံအသွင် အခြေကြီးမားလျက် အပေါ်သို့ကျဉ်းမြောင်းသွားကာ အဖျားချွန်းလျက် ထိပ်ဆုံးတွင် ကြယ်တစ်စင်းပုံရှိရပါမည်။ ထိုကြယ်သည် ဗက်လင်ကြယ်ကို ဖော်ဆောင်ခြင်း ဖြစ်ကာ ခရစ်တော်မွေးဖွားရာဗက်လင်မြို့ကို ညွှ့န်ပြသော နိမိတ် လက္ခဏာလည်းဖြစ်၍ လွန်စွာ အရေးကြီးလှ၏။ ခရစ်စမတ်သစ်ပင် ပတ်လည်တွင် လက်ဆောင်ထုပ်များ စုပုံချိတ်ဆွဲနိုင်သော်လည်း အဓိပ္ပာယ်မဲ့ မဖြစ်စေရပါ။ ခေတ်မီစွာ မည်မျှပင် တီထွင်ဆန်းသစ်လျက် ပြိုးပြိုးပြက်ပြက်ချိတ်ဆွဲစေကာမူ ထိပ်ဦးအဖျားတွင် ကြယ် တစ်စင်းမရှိလျှင် ထိုခရစ်စမတ် သစ်ပင်သည် အတုအယောင် ခရစ်စမတ်သစ်ပင်သာ ဖြစ်ပေမည်။


ခရစ်စမတ်ကတ် ( Christmas Card)
၁၈၄၂ ခုနှစ်က ပန်းချီဆရာကြီး Egley သည် ခရစ်တော်မွေးဖွားခြင်းသတင်းကောင်းကို ဝေငှသည့် အနေဖြင့် ကတ်ပြား များပေါ်တွင် မွေးဖွားခြင်းဆိုင်ရာ ရုပ်ပုံများရေးဆွဲကာ သူ၏မိတ်ဆွေ အယောက် ၁၀၀ ထံ ပေးပို့ရာက ခရစ်စမတ်ကတ် စတင် ပေါ်ပေါက်လာခဲ့သည်။ ၁၈၄၉ ခုနှစ်တွင် Sir Henry Cole ဆိုသူက ပန်းချီပညာရှင်တစ်ဦးဖြစ်သူ John C. Horsely ကို အခကြေး ငွေပေး၍ ရေးဆွဲစေကာ ခရစ်စမတ်ကတ်ဟု အမည်ပေးခဲ့သည်။ ၎င်းကတ်များကို ၁၈၇၅ ခုနှစ် အမေရိကန်နိုင်ငံတွင် စတင်သုံး စွဲခဲ့ကြသည်။ ၁၈၀၀ ပြည့်လွန်နှစ် အစောပိုင်းကာလများကမူ ယနေ့ခေတ်ကဲ့သို့ ခရစ်စမတ်ကတ်များအလွယ်တကူ ပေးပို့နိုင် ခြင်းမရှိ ခဲ့ပေ။ ယနေ့တွင် နှစ်စဉ် ဒီဇင်ဘာရောက်တိုင်း ခရစ်စမတ်ကတ်များတွင် ဆုတောင်းလွှာများ ရေးလျက် တစ်ဦးနှင့်တစ်ဦး အပြန် အလှန်ပေးပို့သည့်ဓလေ့ထွန်းကားကျယ်ပြန့်ခဲ့လေပြီ။ ချစ်ခင်သူများအား စာတိုက်မှ ပေးပို့ခြင်းရှိသလို အင်တာနက်သုံးစွဲသူများက အသင့်လုပ်ပြီးကတ်ပြားပုံစံအမျိုးမျိုး Down Load လုပ်ယူပြီး ဆုတောင်းစာသားများ ရိုက်နှိပ်ကာ အီးမေးလ်စံနစ်ဖြင့် မြန်ဆန်စွာပေးပို့ နိုင်ပါပြီ။ ဒါ့ထက် နည်းပညာ ပိုမို ကျွမ်းကျင်သူများကတော့ ဒီဇိုင်းဆော့ဖ်ဝဲလ်များ၊ အင်နီမေးရှင်းများအသုံးပြုကာ ကိုယ်တိုင် တီထွင် ဖန်တီးထားသည့် ၊ တစ်ကမ္ဘာလုံး မည်သူနှင့်မျှ မတူသည့် ကိုယ်ပိုင်ခရစ်စမတ်ကတ်ဆန်းဆန်းလေး များ ပြုလုပ်ကာ အင်တာနက်မှ တစ်ဆင့် အပြန်အလှန်ပေးပို့နိုင်ပြီဖြစ်သည်။
ခရစ်စမတ်ဖယောင်းတိုင်(Christmas Candle)
ဂျူးလူမျိုးများသည် ဘီစီ ၁၆၄၊ ဒီဇင်ဘာလ၌ ဗိမာန်တော်ကို သန့်ရှင်းစေသောပွဲ ပြုလုပ်သောအခါ ပန်းခွေများပြုလုပ်ပြီး ဖယောင်းတိုင်များထွန်းညှိပူဇော်ကြသည်။ ၎င်းပုံစံကို ယူကာ ခရစ်စမတ်ချိန်ခါတွင် ဘုရားကျောင်းပရဝဏ်၌ ဖယောင်းတိုင်များ များပြားစွာ ပူဇော်ထွန်းညှိလာကြခြင်းဖြစ်သည်။ ယခုအခါ ဘုရားကျောင်း ဗိမာန်တော်အတွင်း တရားဟောစင်မြင့်ထက်တွင်သာ ဖယောင်တိုင်များ ပူဇော်သည်ကို တေ့ွရပြီး ခရစ်စမတ်ချိန်ခါ၌ ဘုရားကျောင်းပရဝဏ်တစ်ခုလုံး လျှပ်စစ်မီးကြိုးရောင်စုံများဖြင့် လက်ဝါးကားတိုင်ပုံ၊ ကြယ်ပုံ၊ စန်တာကလော့စ်ပုံ စသဖြင့် ပုံဖော်ကာ ဒီဇိုင်းပြုလုပ်ခြင်းများ ခေတ်စားလာပြီဖြစ်သည်။
ခရစ်စမတ်ကယ်ရို (Christmas Carol)
ကယ်ရို ဟူသောစကားသည် ပြင်သစ်စကား Carole မှ ဆင်းသက်လာပြီး “သီချင်းဆိုလျက် ဝိုင်း၍ ကခုန်ကြခြင်း” ဟု အဓိပ္ပာယ်ရသည်။ ၎င်းကို အင်္ဂလိပ်စကားဖြင့် Carol ဟုခေါ်ဆိုရာ “တေးဂီတတူရိယာ သံစုံဖြင့် သီဆို ကခုန်ခြင်း”ဟု အဓိပ္ပာယ်ရသည်။ ဂရိစကားဖြင့် Carol သည် Chorus ဖြစ်ပြီး “ဝမ်းမြောက်သောကြောင့်ထွက်ပေါ်လာသောသီချင်း၊ အော်၍သီဆိုရခြင်း”ဟု အဓိပ္ပာယ် ရသည်။ Christmas Carol ကို Assisi မြို့သား Francis ဆိုသူက အေဒီ ၁၂၁၀ တွင် စတင်ခဲ့သည်ဟု သိရသည်။ ဒီဇင်ဘာ ရောက်သည် နှင့် ခရစ်စမတ်ကယ်ရို တစ်အိမ်တက်ဆင်း လှည့်လည်သီဆိုကြရာတွင် များသောအားဖြင့် အလွယ်တကူ ရှိသော guitarနှင့် tambourineကိုသာ တီးခတ်လေ့ရှိသော်လည်း ယခုအခါ mobile keyboardများ သယ်ဆောင်ကာ ဒရမ်စည်းချက်များဖြင့် အသံစုံထုတ် လျက် မြိုင်ဆိုင်စွာလှည့်လည်သီဆိုလာကြသည်။ သို့သော် ယခုအခါ မြန်မာပြည် ရန်ကုန်မြို့တွင် ခေတ်အခြေအနေကြောင့်လားမဆိုနိုင်၊ ယခင်ကကဲ့သို့ carol သီချင်းသံများ များများစားစား မြိုင်မြိုင်ဆိုင်ဆိုင် မကြားရတော့ပေ။ merry Christmas to you all နှင့် စတင်ကာ Goodbye နှုတ်ဆက်သီချင်း အပိတ်ဆိုသံသာ ကြားရတော့သည်။ တစ်အိမ်လျှင် သီချင်း နှစ်ပုဒ်မျှသာ ဆိုကြတော့သည်။ ဘုရားရှိခိုးကျောင်းများတွင် Christmas Cantata သီချင်းသီဆိုသည့်ဓလေ့တော့ လက်ကျန် ရှိသေးသည်။ Cantata မှာ သီချင်းပုဒ်ရေများစွာပါဝင်သည့် သီချင်းရှည်ကြီးကို ဇာတ်ကြောင်းပြောသူ Narrator ၏ဦးဆောင်မှုအောက်တွင် Choir အဖွဲ့က Soprano,Alto,Tenor, Bass အသံများမြိုင်ဆိုင်စွာဖြင့် ဆက်တိုက် သီဆိုရခြင်း ဖြစ်သည်။ ယခုနှစ်တွင် ဂျပ်ဆင်ဘုရားရှိခိုးကျောင်းမှာ The Night Christ was born သီချင်းရှည်ကြီးကို ဒီဇင်ဘာ ၁၆ရက်နေ့က မြိုင်ဆိုင်စွာ ဆိုခဲ့ပြီးဖြစ်သည်။
စန်တာကလော့စ် (Santa Claus)
စန်တာကလော့စ်တွင် နာမည်များစွာရှိသည်။ သူတော်စင်နိကောလပ်စ်၊ စိန့်နိကောလပ်စ်(St. Nickolas)မှ ဆင်းသက်လာ၍ Saint Nickolas မှတစ်ဆင့် Sinter Klaus ဖြစ်လာကာ နောက်ဆုံးတွင် Santa Clausဖြစ်လာသည်။ နယူးယောက်တွင် နှစ်ပေါင်း များစွာက အခြေချနေထိုင်ခဲ့သော ဒတ်ချ်လူမျိုးတို့က စတင်ခေါ်ဝေါ် ခြင်းဖြစ်သည်ဟုသိရသည်။ သူတော်စင်နိကောလပ်စ်သည် ကလေး သူငယ်များအား လက်ဆောင်ပစ္စည်းများ ဆောင်ကြဉ်းပေးလာသူဖြစ်သည်ဟု ဒတ်ချ်တို့က ယုံကြည်ကြကာ ဒီဇင်ဘာ ၆ရက်နေ့ တိုင်း ကရုဏာမေတ္တာတော်ရှင်ကို ဂုဏ်ပြုလျက် ပွဲတော်လုပ်ကြသည်။ ဒတ်ချ်တို့၏ သူတော်စင်ပွဲတော်မှာ ခရစ်စမတ်ချိန်ခါနှင့် တစ်လတည်း ဖြစ်၍ သူတော်စင်အဘိုးအိုက လက်ဆောင်ပစ္စည်းများ သယ်ဆောင်လာသည်ဟု ယူဆကာ ခရစ်စမတ်ချိန်ခါတွင် ပုပု၀၀၊ မုတ်ဆိတ် ဖြူဖြူ၊ သိုးမွေးဝတ်စုံ အနီရဲရဲ ဆင်မြန်းထားသည့် ခရစ်စမတ်ဘိုးဘိုးပေါ်ပေါက်လာခြင်းဖြစ်သည်။ ယနေ့ လူအများမြင်တွေ့ နေကြရသော စန်တာကလော့စ်ရုပ်သွင်မှာ ဂျာမနီနိုင်ငံသား တောင်ပိုင်း ဘာဗေးရီးယားပြည်နယ်မှာ မွေးဖွားသည့် အမေရိကန်နိုင်ငံသား သောမတ်စ် နတ်စ်ထ် ဆိုသူ ပန်းချီဆရာက ပုံဖော်ရေးဆွဲခဲ့ခြင်းဖြစ်သည်။ သူ ငယ်စဉ်က အိမ်နီးချင်း ပုပု၀၀ အဘိုးအိုတစ်ဦး ပြုံးရွှင်သော မျက်နှာဖြင့် ကလေးများကို လက်ဆောင် လိုက်ပေးသည်ကို မြင်ယောင်ကာ ကရုဏာအပြည့်နှင့် ပုပု၀၀အဘိုးအိုပုံရေးဆွဲခဲ့သည်ဟု ဆိုသည်။ သို့နှင့် ခရစ်စမတ်ရောက်တိုင်း အထူးချစ်ခင်စွာလက်ဆောင်ပေးသည်ဆိုသော စန်တာကလော့စ်ကို ကလေးများက အားကိုးတကြီး မျှော်ကြ သည်။
အနောက်နိုင်ငံများတွင် ကလေးများက စာတိုက်သို့ စာများ ပေးပို့ကာ စန်တာကလော့စ်ထံ လိုချင်တာများ တောင်းကြသည်။ အီးမေးလ်များဖြင့်လည်း စန်တာကလော့စ်ထံ စာများပေးပို့ကြသည်။ လိမ္မာသည့် ကလေးများကိုသာ စန်တာဘိုးဘိုးက ချစ်သည်ဟု မိဘများက ပြောဆိုသွန်သင်ထား၍ ကလေးများက စာများထဲတွင် သူတို့မည်မျှလိမ္မာကြောင်း၊ မည်မျှ မိဘကို ကူညီ လုပ်ကိုင်ပေးကြောင်း သူတိ့ုအရည်အသွေးများကို ဖော်ပြကာ သူတို့လိုချင်တာ တောင်းခံကြသည်ဆို၏။ စာတိုက်ဝန်ထမ်း အင်တာနက် ဝန်ထမ်း ဗော်လန်တီ ယာများက ခရစ်စမတ်ချိန်ခါတွင် ကလေးများပျော်ရွှင်အောင် စာများ ပြန်ရေးပေးကြသည်ဆို၏။ မိဘများကလည်း ဘိုးဘိုးစန်တာ ပေးသွားသည်ဆိုကာ လက်ဆောင်ပစ္စည်းများကို ကလေးများ အိပ်ချိန်မှာ တိတ်တခိုးပေးလေ့ရှိသည်။ ခရစ်စမတ်ချိန်ခါ တွင် ကလေးများ အထူးပင် လိမ္မာယဉ်ကျေးစွာ နေထိုင်လေ့ရှိပြီး သူတို့ အနှစ်သက်ဆုံးလူကို ဆန္ဒမဲခွဲ ကောက်ခံပါက စန်တာကလော့စ် မှတစ်ပါး အခြား လူမရှိပါချေ။ စန်တာကလော့စ်သည် ကလေးတို့၏ဇာတ်လိုက်၊ မျှော်လင့်ခြင်းတစ်ခုဖြစ်သလို အနာဂတ်လည်း ဖြစ်သည်။ စန်တာ ကလော့စ် တကယ်မရှိဟု မည်မျှဆိုဆို ယနေ့တိုင် ခရစ်စမတ်ရောက်လေတိုင်း ကလေးတို့သည် စန်တာကလော့စ်ကို အားကိုးတကြီး မျှော်လင့်မိကြမြဲပင်။
သို့ဖြစ်ရာ ခရစ်စမတ်အခါသမယတွင် လှပစွာဝတ်စားဆင်ယင်၊ စားသောက်ပျော်ရွှင် အပေါ်ယံ ခင်းကျင်းမှုများကြား ဖြတ်သန်း မည့်အစား မွေးနေ့တော်ကို တန်ဖိုးထားသောအားဖြင့် ကလေးငယ်များ စံပြုချစ်ခင်ကာ မျှော်လင့်အားထားရမည့်သူများ ဖြစ်စေဖို့ ကျွနု်ပ်တို့ကိုယ်တိုင် စန်တာကလော့စ် ဖြစ်အောင် ကြိုးစားသင့်ပေသည်။ ကျွနု်ပ်တို့အားလုံး စန်တာကလော့စ်အသွင် ဖော်ဆောင်ကာ အနာဂတ်အတွက်မျိုးဆက်သစ်ဖြစ်သည့် ကလေးတို့၏ လိုအပ်ချက်ကို ဖြည့်ဆည်းပေးရင်း ပိုကောင်းမည့်မနက်ဖြန်များကို မျှော်လင့်နိုင် ပါသည်။
waiyanthiri

ခရစ္စမတ္ေန႔(Christmas Day)
○●○●○●○●○●○●○●○●○●○●○●○
Christmas ဟူေသာစကားလံုးသည္ Christes Moesse ဟူေသာ စကားလံုးမွ ဆင္းသက္လာၿပီး ေအဒီ ၁၀၀၀ ေနာက္ပိုင္းတြင္ စတင္အသံုးျပဳျခင္းျဖစ္သည္။ အဓိပၸာယ္မွာ “ခရစ္ေတာ္၏လူစု” ျဖစ္၏။ခရစ္စမတ္ဟူသည္ “ခရစ္ေတာ္၏ေမြးဖြားျခင္း” ဟု အဓိပၸာယ္ရ သည္။ ေအဒီ ၄၀၀ မတိုင္မီကေတာ့ ခရစ္စမတ္ေန႔ကုိ အတိအက် သတ္မွတ္ျခင္းမရွိခဲ့ေပ။ ဇန္န၀ါရီ ၆ ရက္၊ မတ္ ၂၅ ရက္၊ ဒီဇင္ဘာ ၂၅ ရက္ စသျဖင့္ အသီးသီးက်င္းပခဲ့သည္။
ေအဒီ ၁၈၀ ၌ ဟစ္ပုိလီတပ္ က ဒီဇင္ဘာ ၂၅၊ ဗုဒၶဟူးေန႔ဟု ေဖာ္ျပခဲ့ၿပီး ကြန္စတင္တုိင္း ဧကရာဇ္ဘုရင္ႀကီးစုိးေသာကာလ ေအဒီ ၃၂၀ တြင္ ေရာမၿမိဳ႕ရွိအသင္းေတာ္မ်ား၌ ဒီဇင္ဘာ ၂၅ ကို သတ္မွတ္ခဲ့သည္။ ေအဒီ ၃၅၄ တြင္ ဖီလုိကယ္လပ္၏ ျပကၡဒိန္၌ ဒီဇင္ဘာ ၂၅၊ ေသာၾကာေန႔ဟု ေဖာ္ျပခဲ့သည္။ ဆီးရီးယားႏွင့္ အာေမးနီးယား ႏုိင္ငံတို႔မွလြဲ၍ ႏုိင္ငံအသီးသီးတြင္ ဒီဇင္ဘာ ၂၅ ဟု သတ္မွတ္ခဲ့ၾကၿပီး ယခုအခါ အေနာက္ႏိုင္ငံတခ်ိဳ႕တြင္ ဇန္န၀ါရီ ၆ ရက္ေန႔ကုိ ခရစ္စမတ္ေန႔အျဖစ္ ယေန႔တုိင္ က်င္းပဆဲဟု သိရသည္။ ခရစ္ယာန္ဘာသာ၀င္မ်ားက ခရစ္စမတ္ကုိ Christmas ဟုေရးျခင္းကိုသာ လက္ခံၾကၿပီး X’mas ဟု အလြယ္ ေရးျခင္းကို ႏွစ္သက္လက္ခံျခင္းမရွိပါ။

ခရစ္စမတ္သစ္ပင္(Christmas Tree)
အခ်ိဳ႕က ေရွးေရာမအင္ပါယာရွိ Saturanalia လူမ်ိဳးမ်ား၏ ရိုးရာနတ္ပြဲမွာ အသံုးျပဳခဲ့သည့္ အျမဲစိမ္း သစ္ပင္မွ စတင္သည္ ဟုဆုိၿပီး အခ်ိဳ႕က ေျမာက္ပိုင္းဥေရာပရွိ သစ္ပင္ကုိးကြယ္သည့္ Druid လူမ်ိဳးမ်ားက အစျပဳခဲ့သည္ဟု ဆုိသည္။ ပထမဆံုး ခရစ္စမတ္သစ္ပင္ကို ၁၆၀၄ ခုႏွစ္တြင္ ဂ်ာမန္လူမ်ိဳးမ်ား က စတင္ အသံုး ျပဳခဲ့ေၾကာင္း သိရွိရၿပီး ျပဇာတ္ျပရန္ ျပင္ဆင္သည့္အခါ အသံုးျပဳေလ့ရွိသည္ကိုေတြ႕ရသည္။ ပရဒိသုဘံု သစ္ပင္ဟုေခၚဆုိကာ ယင္းသည္ ဧဒင္ဥယ်ာဥ္ကို ျပသျခင္းျဖစ္သည္ဟုဆုိသည္။ ျပဇာတ္ကျပၿပီး သည့္အခါ အိမ္တြင္အလွျပင္ဆင္ရာ၌ အသံုးျပဳေလ့ရွိသည္။
ယခုေခတ္သစ္ကမၻာတြင္ ခရစ္စမတ္သစ္ပင္မ်ားကုိ ခရစ္ယာန္ဘာသာ၀င္မ်ားသာမက ခရစ္ယာန္ ဘာသာ၀င္မဟုတ္သူမ်ား ကပင္ ဒီဇင္ဘာေရာက္သည္ႏွင့္ ေငြကုန္ေၾကးက်ခံကာ လွပခမ္းနားစြာ ဆင္ယင္လာၾကသည္။ စူပါမားကက္ႀကီးမ်ားတြင္ စားပြဲတင္ ခရစ္စမတ္သစ္ပင္ကစ၍ လူတစ္ရပ္စာမက ႀကီးထြားျမင့္မားလွသည့္ ခရစ္စမတ္သစ္ပင္ႀကီးမ်ား အၿပိဳင္အဆုိင္ ခင္းက်င္းေရာင္းခ်ၾက သည္။ စားေသာက္ဆိုင္ႀကီးမ်ားတြင္လည္း ခရစ္စမတ္ကာလ၏အေငြ႕အသက္ကို ေဖာ္ျပေသာအားျဖင့္ ဆုိင္တြင္းဆုိင္ျပင္ ခရစ္စမတ္ သစ္ပင္မ်ား လွပစြာဆင္ယင္လ်က္ စားသံုးသူမ်ားကုိ ဆြဲေဆာင္ၾကသည္။ မည္သုိ႔ျဖစ္ေစ ခရစ္စမတ္သစ္ပင္သည္ ႀတိဂံအသြင္ အေျခႀကီးမားလ်က္ အေပၚသို႔က်ဥ္းေျမာင္းသြားကာ အဖ်ားခၽြန္းလ်က္ ထိပ္ဆံုးတြင္ ၾကယ္တစ္စင္းပံုရွိရပါမည္။ ထုိၾကယ္သည္ ဗက္လင္ၾကယ္ကို ေဖာ္ေဆာင္ျခင္း ျဖစ္ကာ ခရစ္ေတာ္ေမြးဖြားရာဗက္လင္ၿမိဳ႕ကို ညႊ႔န္ျပေသာ နိမိတ္ လကၡဏာလည္းျဖစ္၍ လြန္စြာ အေရးႀကီးလွ၏။ ခရစ္စမတ္သစ္ပင္ ပတ္လည္တြင္ လက္ေဆာင္ထုပ္မ်ား စုပံုခ်ိတ္ဆြဲႏိုင္ေသာ္လည္း အဓိပၸာယ္မဲ့ မျဖစ္ေစရပါ။ ေခတ္မီစြာ မည္မွ်ပင္ တီထြင္ဆန္းသစ္လ်က္ ၿပိဳးၿပိဳးျပက္ျပက္ခ်ိတ္ဆြဲေစကာမူ ထိပ္ဦးအဖ်ားတြင္ ၾကယ္ တစ္စင္းမရွိလွ်င္ ထုိခရစ္စမတ္ သစ္ပင္သည္ အတုအေယာင္ ခရစ္စမတ္သစ္ပင္သာ ျဖစ္ေပမည္။

ခရစ္စမတ္ကတ္ ( Christmas Card)
၁၈၄၂ ခုႏွစ္က ပန္းခ်ီဆရာႀကီး Egley သည္ ခရစ္ေတာ္ေမြးဖြားျခင္းသတင္းေကာင္းကုိ ေ၀ငွသည့္ အေနျဖင့္ ကတ္ျပား မ်ားေပၚတြင္ ေမြးဖြားျခင္းဆုိင္ရာ ရုပ္ပံုမ်ားေရးဆြဲကာ သူ၏မိတ္ေဆြ အေယာက္ ၁၀၀ ထံ ေပးပို႔ရာက ခရစ္စမတ္ကတ္ စတင္ ေပၚေပါက္လာခဲ့သည္။ ၁၈၄၉ ခုႏွစ္တြင္ Sir Henry Cole ဆိုသူက ပန္းခ်ီပညာရွင္တစ္ဦးျဖစ္သူ John C. Horsely ကုိ အခေၾကး ေငြေပး၍ ေရးဆြဲေစကာ ခရစ္စမတ္ကတ္ဟု အမည္ေပးခဲ့သည္။ ၄င္းကတ္မ်ားကုိ ၁၈၇၅ ခုႏွစ္ အေမရိကန္ႏိုင္ငံတြင္ စတင္သံုး စြဲခဲ့ၾကသည္။ ၁၈၀၀ ျပည့္လြန္ႏွစ္ အေစာပုိင္းကာလမ်ားကမူ ယေန႔ေခတ္ကဲ့သုိ႔ ခရစ္စမတ္ကတ္မ်ားအလြယ္တကူ ေပးပို႔ႏိုင္ ျခင္းမရွိ ခဲ့ေပ။ ယေန႔တြင္ ႏွစ္စဥ္ ဒီဇင္ဘာေရာက္တုိင္း ခရစ္စမတ္ကတ္မ်ားတြင္ ဆုေတာင္းလႊာမ်ား ေရးလ်က္ တစ္ဦးႏွင့္တစ္ဦး အျပန္ အလွန္ေပးပို႔သည့္ဓေလ့ထြန္းကားက်ယ္ျပန္႔ခဲ့ေလၿပီ။ ခ်စ္ခင္သူမ်ားအား စာတုိက္မွ ေပးပုိ႔ျခင္းရွိသလုိ အင္တာနက္သံုးစြဲသူမ်ားက အသင့္လုပ္ၿပီးကတ္ျပားပံုစံအမ်ိဳးမ်ိဳး Down Load လုပ္ယူၿပီး ဆုေတာင္းစာသားမ်ား ရုိက္ႏွိပ္ကာ အီးေမးလ္စံနစ္ျဖင့္ ျမန္ဆန္စြာေပးပို႔ ႏိုင္ပါၿပီ။ ဒါ့ထက္ နည္းပညာ ပိုမုိ ကၽြမ္းက်င္သူမ်ားကေတာ့ ဒီဇုိင္းေဆာ့ဖ္၀ဲလ္မ်ား၊ အင္နီေမးရွင္းမ်ားအသံုးျပဳကာ ကိုယ္တုိင္ တီထြင္ ဖန္တီးထားသည့္ ၊ တစ္ကမၻာလံုး မည္သူႏွင့္မွ် မတူသည့္ ကိုယ္ပိုင္ခရစ္စမတ္ကတ္ဆန္းဆန္းေလး မ်ား ျပဳလုပ္ကာ အင္တာနက္မွ တစ္ဆင့္ အျပန္အလွန္ေပးပို႔ႏိုင္ၿပီျဖစ္သည္။
ခရစ္စမတ္ဖေယာင္းတုိင္(Christmas Candle)
ဂ်ဴးလူမ်ိဳးမ်ားသည္ ဘီစီ ၁၆၄၊ ဒီဇင္ဘာလ၌ ဗိမာန္ေတာ္ကို သန္႔ရွင္းေစေသာပြဲ ျပဳလုပ္ေသာအခါ ပန္းေခြမ်ားျပဳလုပ္ၿပီး ဖေယာင္းတိုင္မ်ားထြန္းညိႇပူေဇာ္ၾကသည္။ ၄င္းပံုစံကုိ ယူကာ ခရစ္စမတ္ခ်ိန္ခါတြင္ ဘုရားေက်ာင္းပရ၀ဏ္၌ ဖေယာင္းတိုင္မ်ား မ်ားျပားစြာ ပူေဇာ္ထြန္းညိႇလာၾကျခင္းျဖစ္သည္။ ယခုအခါ ဘုရားေက်ာင္း ဗိမာန္ေတာ္အတြင္း တရားေဟာစင္ျမင့္ထက္တြင္သာ ဖေယာင္တိုင္မ်ား ပူေဇာ္သည္ကုိ ေတ႔ြရၿပီး ခရစ္စမတ္ခ်ိန္ခါ၌ ဘုရားေက်ာင္းပရ၀ဏ္တစ္ခုလံုး လွ်ပ္စစ္မီးႀကိဳးေရာင္စံုမ်ားျဖင့္ လက္၀ါးကားတုိင္ပံု၊ ၾကယ္ပံု၊ စန္တာကေလာ့စ္ပံု စသျဖင့္ ပံုေဖာ္ကာ ဒီဇုိင္းျပဳလုပ္ျခင္းမ်ား ေခတ္စားလာၿပီျဖစ္သည္။
ခရစ္စမတ္ကယ္ရုိ (Christmas Carol)
ကယ္ရုိ ဟူေသာစကားသည္ ျပင္သစ္စကား Carole မွ ဆင္းသက္လာၿပီး “သီခ်င္းဆုိလ်က္ ၀ုိင္း၍ ကခုန္ၾကျခင္း” ဟု အဓိပၸာယ္ရသည္။ ၄င္းကုိ အဂၤလိပ္စကားျဖင့္ Carol ဟုေခၚဆုိရာ “ေတးဂီတတူရိယာ သံစံုျဖင့္ သီဆုိ ကခုန္ျခင္း”ဟု အဓိပၸာယ္ရသည္။ ဂရိစကားျဖင့္ Carol သည္ Chorus ျဖစ္ၿပီး “၀မ္းေျမာက္ေသာေၾကာင့္ထြက္ေပၚလာေသာသီခ်င္း၊ ေအာ္၍သီဆုိရျခင္း”ဟု အဓိပၸာယ္ ရသည္။ Christmas Carol ကုိ Assisi ၿမိဳ႕သား Francis ဆုိသူက ေအဒီ ၁၂၁၀ တြင္ စတင္ခဲ့သည္ဟု သိရသည္။ ဒီဇင္ဘာ ေရာက္သည္ ႏွင့္ ခရစ္စမတ္ကယ္ရုိ တစ္အိမ္တက္ဆင္း လွည့္လည္သီဆုိၾကရာတြင္ မ်ားေသာအားျဖင့္ အလြယ္တကူ ရွိေသာ guitarႏွင့္ tambourineကိုသာ တီးခတ္ေလ့ရွိေသာ္လည္း ယခုအခါ mobile keyboardမ်ား သယ္ေဆာင္ကာ ဒရမ္စည္းခ်က္မ်ားျဖင့္ အသံစံုထုတ္ လ်က္ ၿမိဳင္ဆုိင္စြာလွည့္လည္သီဆုိလာၾကသည္။ သုိ႔ေသာ္ ယခုအခါ ျမန္မာျပည္ ရန္ကုန္ၿမိဳ႕တြင္ ေခတ္အေျခအေနေၾကာင့္လားမဆုိနိုင္၊ ယခင္ကကဲ့သုိ႔ carol သီခ်င္းသံမ်ား မ်ားမ်ားစားစား ၿမိဳင္ၿမိဳင္ဆုိင္ဆုိင္ မၾကားရေတာ့ေပ။ merry Christmas to you all နွင့္ စတင္ကာ Goodbye ႏႈတ္ဆက္သီခ်င္း အပိတ္ဆိုသံသာ ၾကားရေတာ့သည္။ တစ္အိမ္လွ်င္ သီခ်င္း ႏွစ္ပုဒ္မွ်သာ ဆုိၾကေတာ့သည္။ ဘုရားရွိခုိးေက်ာင္းမ်ားတြင္ Christmas Cantata သီခ်င္းသီဆိုသည့္ဓေလ့ေတာ့ လက္က်န္ ရွိေသးသည္။ Cantata မွာ သီခ်င္းပုဒ္ေရမ်ားစြာပါ၀င္သည့္ သီခ်င္းရွည္ႀကီးကို ဇာတ္ေၾကာင္းေျပာသူ Narrator ၏ဦးေဆာင္မႈေအာက္တြင္ Choir အဖြဲ႔က Soprano,Alto,Tenor, Bass အသံမ်ားၿမိဳင္ဆုိင္စြာျဖင့္ ဆက္တုိက္ သီဆုိရျခင္း ျဖစ္သည္။ ယခုႏွစ္တြင္ ဂ်ပ္ဆင္ဘုရားရွိခုိးေက်ာင္းမွာ The Night Christ was born သီခ်င္းရွည္ႀကီးကို ဒီဇင္ဘာ ၁၆ရက္ေန႔က ၿမိဳင္ဆုိင္စြာ ဆုိခဲ့ၿပီးျဖစ္သည္။
စန္တာကေလာ့စ္ (Santa Claus)
စန္တာကေလာ့စ္တြင္ နာမည္မ်ားစြာရွိသည္။ သူေတာ္စင္နိေကာလပ္စ္၊ စိန္႔နိေကာလပ္စ္(St. Nickolas)မွ ဆင္းသက္လာ၍ Saint Nickolas မွတစ္ဆင့္ Sinter Klaus ျဖစ္လာကာ ေနာက္ဆံုးတြင္ Santa Clausျဖစ္လာသည္။ နယူးေယာက္တြင္ ႏွစ္ေပါင္း မ်ားစြာက အေျခခ်ေနထုိင္ခဲ့ေသာ ဒတ္ခ်္လူမ်ိဳးတုိ႔က စတင္ေခၚေ၀ၚ ျခင္းျဖစ္သည္ဟုသိရသည္။ သူေတာ္စင္နိေကာလပ္စ္သည္ ကေလး သူငယ္မ်ားအား လက္ေဆာင္ပစၥည္းမ်ား ေဆာင္ၾကဥ္းေပးလာသူျဖစ္သည္ဟု ဒတ္ခ်္တုိ႔က ယံုၾကည္ၾကကာ ဒီဇင္ဘာ ၆ရက္ေန႔ တုိင္း ကရုဏာေမတၱာေတာ္ရွင္ကို ဂုဏ္ျပဳလ်က္ ပြဲေတာ္လုပ္ၾကသည္။ ဒတ္ခ်္တုိ႔၏ သူေတာ္စင္ပြဲေတာ္မွာ ခရစ္စမတ္ခ်ိန္ခါႏွင့္ တစ္လတည္း ျဖစ္၍ သူေတာ္စင္အဘိုးအုိက လက္ေဆာင္ပစၥည္းမ်ား သယ္ေဆာင္လာသည္ဟု ယူဆကာ ခရစ္စမတ္ခ်ိန္ခါတြင္ ပုပု၀၀၊ မုတ္ဆိတ္ ျဖဴျဖဴ၊ သိုးေမြး၀တ္စံု အနီရဲရဲ ဆင္ျမန္းထားသည့္ ခရစ္စမတ္ဘိုးဘိုးေပၚေပါက္လာျခင္းျဖစ္သည္။ ယေန႔ လူအမ်ားျမင္ေတြ႕ ေနၾကရေသာ စန္တာကေလာ့စ္ရုပ္သြင္မွာ ဂ်ာမနီႏို္င္ငံသား ေတာင္ပိုင္း ဘာေဗးရီးယားျပည္နယ္မွာ ေမြးဖြားသည့္ အေမရိကန္ႏိုင္ငံသား ေသာမတ္စ္ နတ္စ္ထ္ ဆုိသူ ပန္းခ်ီဆရာက ပံုေဖာ္ေရးဆြဲခဲ့ျခင္းျဖစ္သည္။ သူ ငယ္စဥ္က အိမ္နီးခ်င္း ပုပု၀၀ အဘုိးအုိတစ္ဦး ျပံဳးရႊင္ေသာ မ်က္ႏွာျဖင့္ ကေလးမ်ားကို လက္ေဆာင္ လုိက္ေပးသည္ကို ျမင္ေယာင္ကာ ကရုဏာအျပည့္ႏွင့္ ပုပု၀၀အဘုိးအုိပံုေရးဆြဲခဲ့သည္ဟု ဆိုသည္။ သုိ႔ႏွင့္ ခရစ္စမတ္ေရာက္တုိင္း အထူးခ်စ္ခင္စြာလက္ေဆာင္ေပးသည္ဆုိေသာ စန္တာကေလာ့စ္ကုိ ကေလးမ်ားက အားကိုးတႀကီး ေမွ်ာ္ၾက သည္။
အေနာက္ႏိုင္ငံမ်ားတြင္ ကေလးမ်ားက စာတုိက္သို႔ စာမ်ား ေပးပုိ႔ကာ စန္တာကေလာ့စ္ထံ လိုခ်င္တာမ်ား ေတာင္းၾကသည္။ အီးေမးလ္မ်ားျဖင့္လည္း စန္တာကေလာ့စ္ထံ စာမ်ားေပးပို႔ၾကသည္။ လိမၼာသည့္ ကေလးမ်ားကုိသာ စန္တာဘုိးဘိုးက ခ်စ္သည္ဟု မိဘမ်ားက ေျပာဆုိသြန္သင္ထား၍ ကေလးမ်ားက စာမ်ားထဲတြင္ သူတို႔မည္မွ်လိမၼာေၾကာင္း၊ မည္မွ် မိဘကုိ ကူညီ လုပ္ကိုင္ေပးေၾကာင္း သူတိ႔ုအရည္အေသြးမ်ားကုိ ေဖာ္ျပကာ သူတုိ႔လုိခ်င္တာ ေတာင္းခံၾကသည္ဆုိ၏။ စာတိုက္၀န္ထမ္း အင္တာနက္ ၀န္ထမ္း ေဗာ္လန္တီ ယာမ်ားက ခရစ္စမတ္ခ်ိန္ခါတြင္ ကေလးမ်ားေပ်ာ္ရႊင္ေအာင္ စာမ်ား ျပန္ေရးေပးၾကသည္ဆုိ၏။ မိဘမ်ားကလည္း ဘုိးဘိုးစန္တာ ေပးသြားသည္ဆုိကာ လက္ေဆာင္ပစၥည္းမ်ားကုိ ကေလးမ်ား အိပ္ခ်ိန္မွာ တိတ္တခိုးေပးေလ့ရွိသည္။ ခရစ္စမတ္ခ်ိန္ခါ တြင္ ကေလးမ်ား အထူးပင္ လိမၼာယဥ္ေက်းစြာ ေနထုိင္ေလ့ရွိၿပီး သူတို႔ အႏွစ္သက္ဆံုးလူကုိ ဆႏၵမဲခြဲ ေကာက္ခံပါက စန္တာကေလာ့စ္ မွတစ္ပါး အျခား လူမရွိပါေခ်။ စန္တာကေလာ့စ္သည္ ကေလးတုိ႔၏ဇာတ္လုိက္၊ ေမွ်ာ္လင့္ျခင္းတစ္ခုျဖစ္သလုိ အနာဂတ္လည္း ျဖစ္သည္။ စန္တာ ကေလာ့စ္ တကယ္မရွိဟု မည္မွ်ဆုိဆို ယေန႔တိုင္ ခရစ္စမတ္ေရာက္ေလတုိင္း ကေလးတုိ႔သည္ စန္တာကေလာ့စ္ကို အားကိုးတႀကီး ေမွ်ာ္လင့္မိၾကျမဲပင္။
သုိ႔ျဖစ္ရာ ခရစ္စမတ္အခါသမယတြင္ လွပစြာ၀တ္စားဆင္ယင္၊ စားေသာက္ေပ်ာ္ရႊင္ အေပၚယံ ခင္းက်င္းမႈမ်ားၾကား ျဖတ္သန္း မည့္အစား ေမြးေန႔ေတာ္ကို တန္ဖိုးထားေသာအားျဖင့္ ကေလးငယ္မ်ား စံျပဳခ်စ္ခင္ကာ ေမွ်ာ္လင့္အားထားရမည့္သူမ်ား ျဖစ္ေစဖုိ႔ ကၽြႏု္ပ္တုိ႔ကိုယ္တုိင္ စန္တာကေလာ့စ္ ျဖစ္ေအာင္ ႀကိဳးစားသင့္ေပသည္။ ကၽြႏု္ပ္တုိ႔အားလံုး စန္တာကေလာ့စ္အသြင္ ေဖာ္ေဆာင္ကာ အနာဂတ္အတြက္မ်ိဳးဆက္သစ္ျဖစ္သည့္ ကေလးတုိ႔၏ လုိအပ္ခ်က္ကို ျဖည့္ဆည္းေပးရင္း ပိုေကာင္းမည့္မနက္ျဖန္မ်ားကို ေမွ်ာ္လင့္ႏိုင္ ပါသည္။
waiyanthiri